အစ္စလာမ္မာဘတ်၊ ဩဂုတ်-၁-၂၀၂၅
ရတီ(VOM)
ပါကစ္စတန်အစိုးရက ထောင်ဒဏ် ၁၀နှစ်ချမှတ်ခဲ့တဲ့ ဝန်ကြီးချုပ်ဟောင်း အီမရာခန်းရဲ့ ပါတီဝင် ၁၀၈ ယောက်ကို ၂၀၂၃ခု နှစ်က စစ်တပ်ဆန့်ကျင်ဆန္ဒပြမှုတွေမှာ ပါဝင်ခဲ့တဲ့အတွက် ထောင်ဒဏ်တွေ ချမှတ်လိုက်ပါတယ်။
၂၀၂၃ခုနှစ် မေလမှာ အီမာရန်ခန်ကို ခြစားမှုစွဲချက်နဲ့ ဖမ်းဆီးခဲ့ပြီးနောက် တနိုင်ငံလုံးမှာ အကြမ်းဖက်ဆန္ဒပြမှုတွေ ဖြစ်ပွားခဲ့ပါတယ်။ ပြီးခဲ့တဲ့နှစ်နှစ်အတွင်း အစိုးရက လူအများအပြားကို ပြစ်ဒဏ်တွေချမှတ်ခဲ့ပြီး လက်ရှိ အတိုက်အခံခေါင်းဆောင် အိုမာရ်အာယုခန်းကို ၁၀နှစ်ထောင်ဒဏ်အပါအဝင် ပါတီဝင်တွေကို ဒီအမိန့်တွေ ချမှတ်လိုက်တာဟာ အီမာရန်ခန်ရဲ့ပါတီ PTI ကို ကြီးမားတဲ့ထိုးနက်ချက်လည်း ဖြစ်ပါတယ်။
အကြမ်းဖက်မှုဆန့်ကျင်ရေးတရားရုံးရဲ့ဆုံးဖြတ်ချက်ကို အတိုက်အခံတွေက ပြင်းပြင်းထန်ထန်ရှုတ်ချခဲ့ပါတယ်။ PTI အမတ် ခြောက်ယောက်ကိုလည်း ရာထူးကနေ ထုတ်ပယ်ခဲ့ပါတယ်။
PTI က တော့ ဒါဟာပါကစ္စတန်တရားစီရင်ရေးသမိုင်းမှာ ပထမဆုံးအကြိမ် ဝမ်းနည်းဖွယ်ရာ အမှောင်ကျတဲ့နေ့လို့ ပြောပါတယ်။ လွှတ်တော်နှစ်ရပ်စလုံးမှာ အတိုက်အခံခေါင်းဆောင်တွေကို အီမာရန်ခန်းကို ထောက်ခံမှု ပြည်သူ့ကိုယ်စားပြုမှုနဲ့ ဖွဲ့စည်းပုံအခြေခံဥပဒေ ပြင်ဆင်ရေး အားထုတ်မှုတွေကြောင့် အပြစ်ပေးခံခဲ့ရတယ် ထုတ်ပြန်ထားပါတယ်။
ပါတီက တရားစီရင်ချက်ကို အယူခံဝင်မယ်လို့ ပြောပါတယ်။ အတိုက်အခံခေါင်းဆောင်တွေကို တယောက်ပြီးတယောက် အပြစ်ရှီတယ်ဆိုပြီး ထောင်ချတာဟာ ဒီမိုကရေစီစနစ်အတွက် မကောင်းတဲ့လက္ခဏာဖြစ်ပြီး နိုင်ငံရဲ့ အားနည်းနေတဲ့ဒီမိုကရေစီကို ပိုပြီးထိခိုက်စေတယ် လို့ ပါတီပြောရေးဆိုခွင့်ရှိသူ ဘူခ်ဟာရီက ပြောပါတယ်။
ဝန်ကြီးချုပ်ဟောင်း အီမာရန်ခန်ကို ၂၀၂၃ခုနှစ် ဩဂုတ်လကတည်းက အကျဉ်းချထားပေမယ့် ပါကစ္စတန်မှာ လူကြိုက်များနေဆဲဖြစ်ပါတယ်။ သူဟာ အကြမ်းဖက်မှု၊ နိုင်ငံတော်လျှို့ဝှက်ချက်တွေပေါက်ကြားမှုအထိ စွဲချက် ၁၅၀ကျော်နဲ့ ရင်ဆိုင်နေရပါတယ်။ ဒီစွဲချက်တွေအားလုံးကို သူနဲ့သူ့ပါတီက နိုင်ငံရေးအရ ခြေထိုးကွက်လို့ ပြောပါတယ်။
၂၀၂၃ခုနှစ် မေလ ၉ရက်နေ့က အီမရာခန်ဖမ်းဆီးခံရပြီးနောက် လုံခြုံရေးတပ်ဖွဲ့တွေနဲ့ သူ့ပါတီဝင်တွေအကြား အကြမ်းဖက်တိုက်ခိုက်မှုတွေဖြစ်ပွားခဲ့ပါတယ်။ ဆန္ဒပြသူတွေက အစိုးရအဆောက်အဦတွေနဲ့ စစ်စခန်းတွေကို ဝင်ရောက်တိုက်ခိုက်ခဲ့ပြီး အနည်းဆုံး ၁၀ ယောက်သေဆုံးခဲ့ပါတယ်။
အစိုးရက PTI ပါတီကို ထိန်းချုပ်ဖို့ အရေးယူခဲ့ပါတယ်။ ၂၀၂၄ခုနှစ်မှာ ကျင်းပတဲ့ အမျိုးသားလွှတ်တော်ရွေးကောက်ပွဲမှာ PTI အဖွဲ့ဝင်တွေက လွတ်လပ်တဲ့ကိုယ်စားလှယ်တွေအနေနဲ့ အမတ်နေရာအများဆုံးအနိုင်ရခဲ့ပေမယ့် အစိုးရဖွဲ့ခွင့်မရခဲ့ပါဘူး။
Ref:BBC
Photo:Getty Images
